Bhagwaan ke Insaan

Bhakti main bhatakte hain,

bhawnao main behekte hain,
is insaan se bach ke rehna,
ye mazhab ko bhagwaan samajhte hain.

Dharmo main uljhe pade hain,
bin baat ke ek doosre se lade hain,
is insaan se bach ke rehna,
ye marne maarne ko taiyyar khade hain.

Doob gaye hain jazbaato main,
sukoon paate hain aaghato main,
is insaan se bach ke rehna,
hain dharm ke hathiyaar in haatho main.

Ram ke naam pe khoon bahate hain,
ye Allah se bhi gunaah karate hain,
is insaan se bach ke rehna,
apne bhagwaan ko bhi ye bech aate hain.

-Abhinava Sharma "Deep"

Ishq

Ishq main doobe aashiq yun he rote hain, 

jab ishq wapas na aaye.

Par chahat kabhi marti nahi, 

bhale chahne waale chale jaaye.

Jeena marna to jismo ka khel hai, 

dil jismo se na lagaye.

Ishq to roohani hai, 

koi rooh ko juda kar ke dikhaye.




Ashk bahaye aashiq firte hain, 

jab ishq main haar jaaye.

Nafrat main fir khuda se ladte hain, 

par inko kaun samjhaye.

Aashiqui aur khudai ek he hai, 

ye baat inki samajh na aaye.

Ishq main aashiq bhi milega aur khuda bhi, 

kabhi shiddat se dil lagaye.




-Abhinava Sharma "Deep"

Yaadon ki Kashti

Nikle hain le ke yaado ki kashti, leheron se takraate hue.

Jayenge us paar, saare yaar, waado ko nibhate hue. 

Aaj mile hain hum sab, gale mitle muskurate hue.

Bichade the saalo se, yaadon main aaye hain ithlate hue.

Wo baatein aaj bhi yaad hain, wo yaadein aaj bhi saath hain, 

jinke sahare hum jeete rahe hain, gham ke ghoont peete rahe hain.

Wo yaar nahi dildaar hain, mile jo fir is baar hain, 

jeena seekha tha jinke saath, har tareef ke wo haqdaar hain.

Le chale is baar fir, is kashti ko us paar fir, 

karta hai jahan intezaar hamara, bachpan ka sansaar fir. 

Paya hai ye saath, bade duaon ke baad, 

warna zindagi lagi thi karne ko, har yaad ko barbaad.

Yaadon mein jeena he suhata hai, bhale jitna satate ho ye.

Ye dost he hain sab kuch, bhale jitna tadpate ho ye.

Ye kashti ab zindagi hai meri, aur dhadkan iski har yaad.

Pahunch jaye us paar, ya iske saath ho barbaad, 

bas yahi hai fariyaad, bas yahi hai fariyaad.

-Abhinava Sharma "Deep"

Poori Tum, Adhoora Main

Ik kashti ho tum, aur main ik padav.

Tum aake guzar jaati ho,

aur main intezaar main jeeta rehta hoon.

Ik roshni ho tum, aur main ik saaya.

Tum ujaalo ko apnati ho,

aur main andhakaar main dooba rehta hoon.

Ik bhaawna ho tum, aur main ik swabhaav.

Tum har ghadi badalti ho,

aur main aadat main uljha rehta hoon.

Ik sawaal ho tum, aur main ik khoj.

Tum har roz tadpaati ho,

aur main saari zindagi talaashta hoon.

Ik khwahish ho tum, aur main ik aarzoo.

Tum mil kar bhi adhoori ho,

Aur main arziyo main he marr jaata hoon.

-Abhinava Sharma "Deep"

Tum

Tujhsa haseen, shayad kahin,

hoga koi, mujhe lagta nahi.

Tera aks, meri aankhon main basa,

tera deedar lekin mujhe milta nahi.

Teri har ada, mujhe karti fida.

tujhse juda, ho kar ji sakta nahi.

Tujhsa dhundha maine har jagah,

par tujhsa koi doosra maine paya nahi.

Tujhe paane ki aarzo hai bas meri,

par tujhe apnana hai mumkin nahi.

Teri aakhon main kho chuka hoon is kadar,

ki ab koi mujhe, bacha sakta nahi.

Tujhsa haseen, shayad kahin,

hoga koi, mujhe lagta nahi.

-Abhinava Sharma "Deep"

An Ungrateful Nation

You start to doubt the real worth of a nation, when it's people pay more heed to the death of an aged actor than to the sacrifice of a young life, married a month ago.

You start to doubt this profession, and all the sacrifices that it makes in order to protect the lives of millions, who are unaware about it.

You start to question yourself that do these people really deserve the service and security that you provide?

And all these doubts and questions makes you sceptical about the work you do and you start questioning yourself if it is all worth for an ungrateful nation.

When in 8th I read a beautiful essay "Main aur Mera Desh" in my textbook, which talked about not speaking ill about your country and how it devalues the nation and I had followed it until this day. But what do you do when that nation devalues the life of a martyr?

Some of you might say I am free to quit from this service. But I don't need a change of job. I need a change of perspective, either in mine or in the people I serve for.

-A Sceptic Soldier

#captainayushyadav #vinodkhanna #media #army #nation #India